a Nazione
Vous souhaitez réagir à ce message ? Créez un compte en quelques clics ou connectez-vous pour continuer.
Le Deal du moment :
Xiaomi Mi Smart Camera 2K Standard Edition (design ...
Voir le deal
11.39 €

Canta u populu corsu : l'anima d'un populu

Aller en bas

Canta u populu corsu : l'anima d'un populu Empty Canta u populu corsu : l'anima d'un populu

Message  Admin Dim 20 Jan - 20:59

http://anazione.com/canta_anima.htm

Fù a fata di a mossa chì fece nasce à Canta u Populu Corsu. Ricurdendusi di’ssu gruppu miticu attore principale di u riacquistu di l’annate 70, cumu si pudia crede tandu ch’ellu si lagneria tantu oghje di a so sorte nantu à a so terra, stu populu? Canta u Populu Corsu hè sempre statu una forza, una fede è una prisenza tremenda.

À u principiu eranu da 20 à 30 è po’esse ancu di più, donne è omi, vechji, giovani è zitelli ogn’unu vistutu à so manera; quand’elli cullavanu nantu à a scena eranu stonde duve l’emuzione culminava è u populu arrittu era cum’è in cummunione. Strumenti ci n’era pocu, ci vole à dì chì e voci ben’ accurdate bastavanu à cummunicà fervore, passione è curagiu à tutt’un populu. U populu cantava cù u populu, è u populu, parlava à u populu : trà publicu è cantadori, fruntiere, ùn ci n’era.

Canta era una squadra vucale senza paracone, ùn ci hè chè da sente per esempiu A Lettera di u mulatteru à u Corsu(1) per esse cunvintu di u fervore ch’ellu facia nasce.

Era cum’è una magia, chì a memoria scurdata rinascia…

Ma Canta hà fattu più chè cusì : Canta hà suminatu in una piana ch’omu cridia sterile, è a sumente hè sbucciata. Una ciucciata hè nata è issa leva ùn si firmerà più; ùn ci hè chè da mettesi à cuntalli i gruppi culturali, oghje.

Ma per rivenene à Canta, un ghjornu a magia si piantò. È ùn si sentì più parlà di Canta durante parechj’anni. A matrice, a mamma, di i cantadori di u riacquistu s’era ammutulita, è per i militanti ùn firmava più chè nustalgia…

Ma e cose belle ùn ponu more cusì à e prime, è un’alba nova si pisò, sempre cun fede, sempre cun forza, sempre à pugnu tesu, turnava à cantà u populu corsu, cù anziani è nuvelli cantadori è strumenti nuvelli. Canta hè una famiglia, duve chì, ancu quelli partuti, tornanu à l’occasione per addunisce e so magnifiche voci. Da Canta u Populu Corsu, ùn si pò parte, ùn si pò chè vultacci.

Canta : un mitu, una memoria, una magia, un’anima, una passione, a cummunione d’un populu liberu nantu à a so terra… eri… oghje… è dumane.

Antone FILIPPI

1. Parulle di Ghjuvan Paulu Poletti.

Admin
Admin

Nombre de messages : 17
Date d'inscription : 07/01/2008

https://foru-anazione.1fr1.net

Revenir en haut Aller en bas

Revenir en haut

- Sujets similaires

 
Permission de ce forum:
Vous ne pouvez pas répondre aux sujets dans ce forum
Ne ratez plus aucun deal !
Abonnez-vous pour recevoir par notification une sélection des meilleurs deals chaque jour.
IgnorerAutoriser