U gran'Napuleone

Voir le sujet précédent Voir le sujet suivant Aller en bas

U gran'Napuleone

Message  Admin le Dim 20 Jan - 20:57

Certi rimpruverèghjanu à Napuleone d’ùn avè fattu nunda per a Corsica in vece chì eiu li facciu nanzu u rimpròveru d’avenne fattu troppu perchì hè statu ellu u peghju bòia di u so paese. U bòia u più pèssimu diceraghju per incalcà cù stu pleunasmu tutte e so malfatte. Ci vole à capisce chì ellu videndu àpresi u so tremendu destinu francese ùn vulia chì nisunu pudissi mette in dùbbitu a so qualità di francese nè dunque chì a Corsica fussi u pezzu di territoriu francese. E i primi à mette à u passu èranu di sicuru i so proprii cumpaisani chì ne pudianu dubbità. Essendu ellu un militare, ùn pudia chè arricumandassi à a forza di l’arme.

Prima a li pruvò cù e bone manere mandendu à Miot de Melito chì in più di i so arrestati ben cunnisciuti, avianu da aiutà à megliurà l’agricultura. Ma, à tempu vultatu in Pariggi, cunfesserà ellu stessu chì Napuleone li fece sapè chì “ellu era statu troppu bravu è chì à pena di severità seria stata megliu”.

Sìmule rimpròveru, hè certa ch’ellu ùn si puderà fà à Morand è à e so facende : basterà à dì ch’ella ùn ci serà più nisuna lege capace di parallu nè di prutege à nimu : bastava ancu à testimunià di a nucenza di qualchisia per esse sè stessu purtatu davanti à un tribbunale militare chì cundannava à morte senza tanti cari di mamma. A saperà u capitanu Sabini ellu stessu ! Certi hanu pratesu chì Napuleone ùn era à currente di tutti ‘ssi fatti è ghjè vera chì di settembre 1809 scriverà à u Ministru di a guerra “Farete testimunianza di a mo scuntentezza à u generale Morand chì e so manere sò diventate abusive è tiràniche ...” Ma !... à u cuntrariu di ciò ch’elli pretèndenu uni pochi di “stòrichi” chì dìcenu chì à tempu sappiuta da l’Imperatore tutte e facende di Morand, u grand’omu u leticò è li dede òrdine di vultàssine in Francia perchì ci vulia à toglie à u nostru grand’omu tutta culpabilità inde e stragi cummesse da i so subordinati perchì Morand ùn era u solu ! Iè, ma ... ùn hè vera per nunda è sette nucenti fèrmeranu in prigiò è Morand ùn serà rimandatu in Cuntinente chè dopu à avella dumandata ellu stessu. E u 15 d’Agostu 1810 dopu à avè lettu u raportu di u Senatore Casabianca...

Napuleone si deciderà à accurdà à u Generale Morand u tìtulu di Barone cù una rèsita di duie mila franchi. Ciò chì ùn bastava à a Barunessa chì pregò à l’Imperatore di cuncede à u generale u tìtulu di Comte.

A risposta di l’Imperatore ùnd’a cunnoscu, ciò ch’o sò hè chì Napuleone vulia chì i mèttudi di Morand cuntinuvèssinu è fù per quessa ch’ellu ci mandò à Berthier chì scrisse à u Ministru di a Pulizza “ciò ch’ellu ci vole in Corsica, o Monsignò, hè una mazza in farru chì menga senza stancià tutti i culpèvuli.” Napuleone s’era resu antipàticu à i so cumpaisani chì amparendu ch’ellu era statu lampatu à gambe à l’aria, tironu u so bustu ind’u portu vechju d’Aiacciu. Sic transit... ma avà ci sò torna i bunapartisti.

Francescu Maria PERFETTINI

Admin
Admin

Nombre de messages : 17
Date d'inscription : 07/01/2008

Voir le profil de l'utilisateur http://foru-anazione.forumotion.com

Revenir en haut Aller en bas

Voir le sujet précédent Voir le sujet suivant Revenir en haut

- Sujets similaires

 
Permission de ce forum:
Vous ne pouvez pas répondre aux sujets dans ce forum